Plantun de Prouvènço

Pèr coumpara dos planto d'encò nostre

Rumex cristatus & Pisum sativum subsp. biflorum

Rumex cristatus

Polygonaceae

Noms en français : Patience à crêtes, Rumex à crêtes.

Descripcioun :
Aquesto paciènci es uno grando erbo di làrgi fueio en cor à la baso emé d'enflourejado longo e denso. Es uno planto que nous vèn di Balkan. Se recounèis bonodi si valvo tant larjo que longo (5 à 8 x 5 à 8 mm) e qu'an uno pichoto cresto.

Usanço :
Li fueio de la paciènci-à-cresto soun acampado e manjado dins soun pais d'óurigino (Grèço, Sicilo, Turquìo...). Jouino, li fueio podon èstre manjado cruso, mai pu vièio, soun proun amaro e li fau faire bouli (poussible emé de la). Ramentan que faudrié pas trop n'en manja malodi l'acide óussali.

Port : Grando erbo
Taio : 0,6 à 1,2(2) m
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Rumex
Famiho : Polygonaceae

Ordre : Caryophyllales

Coulour de la flour : Verdo
Petalo : 3
Ø (o loungour) flour : 4 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Ribiero - Ermas - Camin
Estànci : Mesoumediterran
Couroulougi : Óurigino mediterranenco-Nord-Ouèst
Ref. sc. : Rumex cristatus DC., 1813

Pese-de-champ

Pisum sativum subsp. biflorum

Fabaceae Leguminosae

Àutri noum : Menuviho, Cese-de-champ, Meneviho, Mereviho, Mareviho.

Nom en français : Pois élevé.

Descripcioun :
Lou pese-de-champ sèmblo un Lathyrus, mai si tijo soun roundo e lis estipulo di proun grosso. Fai de gròssi grano. La subsp. biflorum, àvi dóu pese cultiva (subsp. sativum), se destrìo d'éu qu'a li pecou di flour dous cop mai grand que l'estipulo, e de grano à cresto mai longo (> 2mm). Coumpara emé lou pese.

Usanço :
De segur lou pese-de-champ èi bon à manja de proun de biais (grano emai jòuini fueio). La farino pòu servi à faire d'emplastre .

Port : Grando erbo
Taio : Pancaro entresigna
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Pisum
Famiho : Fabaceae
Famiho classico : Leguminosae

Coulour de la flour : Roso
Petalo : irreguliero
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Tepiero seco - Champ - Colo
Estànci : Termoumediterran à Subremediterran
Couroulougi : Pancaro entresigna
Ref. sc. : Pisum sativum subsp. biflorum (Raf.) Soldano, 1992

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Rumex cristatus & Pisum sativum subsp. biflorum

RRR

ges

Coumpara Paciènci(-à-cresto) emé uno autro planto

Coumpara Pese-de-champ emé uno autro planto